Ka HANM da thoh ko cha u Montri Rangbah ka jylla, u Conrad Sangma yow ujor yei thaw khia ya ki kari wa kit ya ki mar wa emkaam man-ka-sngi namo ki Essential Goods ha Umling, Ri-Bhoi.
Ka seiñ da ong ko wa ki kari wa wan na Assam wa kit ya ki mar wa emkaam nadooh ki marbaam da chah thaw khia ki ha Umling Weighbridge wei da toh dan ki leh iwa da wanrah kylla yei ku i dor ki marbaam ha ki yaw ki haat iwa da ktah joor ya kiwa dooh wa duk.
Hajrong ini, ka seiñ da kyntu ko ya u Montri Rangbah wow pynmih hukum wa ki Truck wa kit ya ki marbaam wa kiwi ki mar wa emkaam man-ka-sngi wym toh de u chim dan na kini ki kari wei lym pynmih ya kani ka hukum, ka seiñ daw lai leh ko yeini.
Chooh chooh ka seiñ da ong ko wa kani ka Weigh Bridge wa em ha Umling toh neibynta ki kari wa kit mooyong, moochuni, chyiap wa kiwi ki mar pohkhyndaw kiwa wan chapoh ka jylla, kamtæ da yooluti wa ka sorkar u leh ko yeiwa emkaam.
