Ka Harijan Panchayat Committee (HPC) da booh ko yei kyndon dawa ha ka sorkar yow kyrriah ki na ka Them Ïewmawlong. Hadien ka yalang, u Chairman ka Harijan Panchayat Committee (HPC), u Gurjeet Singh da khana u wa ki bru na Them Metor da dawa ki na ka sorkar wow e da i thaw waka poisa yow chna yung, ym toh wow sah ha ki yung wa dadep chna ka sorkar.
Ini i dawa yong ka HPC da mih ha ka yalang wa ar hapyrdi ka sorkar wa ka Harijan Panchayat Committee (HPC), kawa da man ynne ka sngi wow kyrriah ya ki bru na katai ka thaw.
U Gurjeet da ong u wa i thaw ha Them Ïewmawlong wa heh 3.33 Acre toh ka thaw wa mantre da ki bru kiwa sah ha katai ka thaw wei wow e salan da iwi i thaw, ka ka sorkar toh u e ko kamwa 10 Acre wow chna yung ha European Ward.
Da ong u wa i thaw wow yakylliang kwah ki wow yoh ha European Ward deiwa yoh 200 sq/mt neibynta kawi ka manyung.
