Ka seiñ HITO-Jaiñtia Hills da thoh ko cha u Director ka Meghalaya Board of School Education (MBOSE), Shillong yow dawa booh ya ka SSLC Examination Centre ha Barato.
Ka seiñ da ong ko wa deiwa em ka Secondary School Leaving Certificate Selection Examination Center ha chnong Barato, daw yarap bha ko ya ki khynnah skur kani ka thaaiñ.
Da khana leh wa em 5 tylli ki Secondary School wa pura ha kani ka thaaiñ heiwa ki khynnah skur wa em 150-170 ngut da hap ki wow lai 30-35 Km yow poi chei thaw thoh Exam iwa da pynchitom ya ki wow poi ki heipor wa biang.
Kamtæ hajrong ini da kyrpaad na ki bor wa pait ya ka Meghalaya Board of School Education wow chimkhia ya ini neibynta i bha i miat ki khynnah skur wa em cha palatsor.
