Ka seiñ Hynniewtrep Integrated Territorial Organization (HITO) Elaka Chilliang Myntang ynnin ka sngi hapoh i yahkhmat u Secretary u Resto Sten da lai ki wow e dorkhat ha u Sub Division Officer ka chnat Distribution ka MeECL wow dawa pynpoi bordiñ noh haka chnong Barato-C kawa da maad yei doom khelm bordiñ la kamwa 9-10 snem wa da lai.
Ka seiñ da pyntip ko wa katkam wa thooh bniah ko da chem wa ki manyung mansem wa boon toh kiwa da sah hei doom khlem bordiñ waroh chi kattu.
Kamtæ ka seiñ da dawa ko wa ka MePDCL toh u pynbiang bordiñ ko wut wut hapoh 15 sngi lym kamtæ ka seiñ daw chim ko da kiwi won ki laad ki luti.
