Ynnin ka sngi, neiliang yong ka HITO-West Jaiñtia Hills District hapoh i yahkhmat u President, u Agidius Satein da lai yachem ki ya ka Additional Deputy Commissioner yong ka West Jaiñtia Hills, ka HML Kynta hajrong i chah ktah ki hali ha ki 5 chnong nei wan u slap wa u phria.
Ka seiñ da dawa ko na ka sorkar wow yarap ya kiwa da chah ktah ha ini wa jia kiwa da dooh nong bha.
Hawa yaklam wa ka ADC da ong ko wa neiliang ka Office leh daw chimkhia wei mar ya yoh Report na u BDO ka Thadlaskeiñ Block daw ye u leh yeiwa emkaam.
Ka seiñ da ong ko wa ka sorkar toh u pynpoi yarap ko ya ki warep hapoh uni u bnai wei u e yarap katkam wa da chah ktah ki mar rep yong ki.
Discussion about this post