Ka Hynñiewtrep National Youth Movement (HNYM) West Jaiñtia Hills District da lai ko wow dawa na u Branch Manager ka State Bank of India, Jowai wa na u Branch Manager ka HDFC Bank, Jowai wa toh u booh ki kawi ka kor ATM hapoh ka Jowai Civil Hospital Ialong waka Woodland WK Hospital Sabahmuswang khnang wow pynsuk ya ki paidbah katai ka thaaiñ wa kiwa thiah kjut hapoh kini ki thaw sumaar.
U President ka seiñ, u Pynhun Shulet da ong u wa ini i dawa toh neidaw wa kiwa thiah kjut ha kini ki Hospital chem chitom ki wow sai poisa manda emkaam jhan wei da man ko iwa eh wow ya ki wow lai thooh kor ATM cha jngai hadooh cha Jowai.
Kamtæ neiliang ka seiñ da dawa ko na kini ki Branch Manager wow yaklam ki wa ki bor wa haneiñ yow booh mar kawi ka kor ATM ha kitai ki Hospital heiwa da kular ki wow chimkhia ya ini.
Da pyntip wa ka seiñ da yoh ko wow yaklam wa u waheh chnong ka Ialong uwa da ong wa oo leh em u ka thong wei angnood wow booh ya ka ATM hapoh ka Civil Hospital.
