Dawa ka HNYM wow booh da ka Non-Tribal Checkpoint ha Ratacherra

Ka seiñ HNYM-Jaiñtia Region da dawa ko na u DC ka East Jaiñtia Hills wow booh ya ka Non-Tribal Checkpoint ha Ratacherra hawa yachem wow e ya ka dorkhat ha kti u.

Neiliang ka seiñ da ong ko wa em boon ki baar jylla wa psiah chapoh ka Meghalaya khlem da em ki kot ki sla wa biang wei kam ka seiñ leh da chem ko yeini deiwa lai kynreh ya ki kot ki sla neipor cheipor.

Da ong leh wa kiwa boon da em ki du ki Slip wa yoh ki na ki Website ki sorkar heipor wa yaleh ki ya ka Work Permit wei ya kam kini ymtoh wow pdiang yow yoh ki u psiah chapoh Meghalaya khamtam ha kini ki por wa ka Assam leh da yaleh pyrchah ko ya kitu kiwa psiah tooh chapoh yong ka wei kini daw yoh ki wow psiah laitlooid chapoh Meghalaya.

Related posts

Khut biang ka sorkar ya ka HNLC cha ka miej yaklam yasuk | Kyntu u Prestone ya ki khynroo wym toh u chah yahbakla

October 18, 2025

Cha ka manyung wa dooh ya ka bei nei chah thang ha u kurim lai e yarap ka NPP Women’s Front Jowai Block

October 18, 2025

Kamtæ da ong wa deiwa em kani ka Checkpoint daw emkaam wow yoh bor na ka chnat Labour wa kamjooh u leh Police Verification na ka jylla wa wan ki yow ye ki u psiah chapoh Meghalaya.

Ka seiñ da e por ko 10 sngi wow chimkhia ya ini i kaam lym kamtæ daw chim da kiwi ki laad ki luti.