Ynne ka sngi neiliang ka HNYM East Jaiñtia Hills District hei yahkhmat u General Secretary, u Khmihbha Phawa deiwa emlang kiwi ki dkhot, da yachem ki wa u DC ha yung krehkaam u ha Khliehriat yow dawa ya ka District Auditorium, ka Library waka Coaching Class ha East Jaiñtia.
I daw wa pynman ya ka HNYM wow dawa toh wa ka District da em hok ko wow yoh ya ka Auditorium neibhah la 11 tylli ki snem wa da yoh District leh tang ka Auditorium leh ym em wow pynman ya ki yalang nadooh ki yong sorkar, ki yong paidbah heiwa da hap wow chim wai da ki Community Hall.
Kamtæ da ong wa i dawa wow chna noh ya ka District Auditorium toh yow myntoi ya ka District waroh kawi wei ka Library won daw pynmyntoi ko ya ki khynnah yow pynlut ki yei por yong ki wow puræ kot.
Da ong leh wa khnang wow myntoi chooh kiwa yaleh kreh emkaam wow em ki thaw e sikai namo ki Coaching Class wow e sikai ya kiwa yaleh ya ki Exam DSC, MPSC wa kiwi kiwi.
Neiliang u DC da kular u wow chimkhia wow phah u cha ki bor wa haneiñ.
Discussion about this post