Ka seiñ HNYM Khonchnong Unit ynne ka sngi hapoh i yahkhmat u President u Leoferdinand Suiam, u General Secretary, u Krius Suiam deilang wa u President ka HNYM West Jaiñtia Hills District, u Pynhun Shulet da lai yachem ki ya kiwa kreh ka Shangpung Distribution Sub-Division yow kyrpaad kær noh ya u Transformer uwa em ha rood sarok wei marjan wa ka yung bru ha ka chnong Khonchnong.
Ka seiñ da kwah ko wow yachem wa u Assistant Executive Engineer Shangpung Distribution Sub-Division tangwa neidaw wym chait u, ka seiñ da yoh ko wow yachem wa u D. Kyndiah, Junior Engineer yong kani ka Division.
Kamtæ ka seiñ da dawa ko na u Junior Engineer wow kær noh ya u Transformer wa em hapoh katai ka chnong hachwa wow jia iwon iwon iwa sñiawsih hapoh ka chnong heiwa neiliang yong u Engineer leh da kular u ya kiwa yahkhmat yong ka seiñ wow chimkhia hajrong ini i dawa yong ka seiñ wow kær noh ya uni u Transformer.
Neiliang ka seiñ da ong ko leh wym chong ngiah ko kat wym pu ye u kær ya uni u Transformer.
