Jowai: Ka Hynñiewtrep Students Union (HSU)-West Jaiñtia Circle ynne ka sngi da lai e dorkhat ko ha u CEM ka JHADC wow klam chaphang ki kaam wow yada ya ka jaitbru.
Ha ka dorkhat da ong wa ka JHADC da em ko nadooh u snem 1964 tangwa hadooh katni ym em u ye ko batai ki yi ki tæ ki Jaiñtia, kammon u ye u dooh yei man Jaiñtia wei lada ki wym man Jaiñtia ye ki u man Jaiñtia.
Dei wym em ka aiñ wow kheiñ yei mantre wa i hiarpateiñ, i chong kha chong man da wanrah ko yei chimkabu kiwi ki jaitbru neidaw wym em ki aiñ wow pait ya kini ki kaam.
Da kdaw leh wa ha ka KHADC da em ka aiñ wow pait ya ini waroh ka Lineage Act kawa da chna nadooh u snem 1997 wei da yooluti ki leh wa hapoh i yahkhmat u CEM wa thymme ka JHADC daw chim u ya kani ka luti wow chna ya kam kani ka aiñ wow yada ya ki jaitbru.
Da pynkut deiwa ong wa chwa wow chna ya kani ka aiñ emkaam wow chong yaklam wa kiwa pynlai chnong, ki seiñ kur, ki seiñbhalang, ki bru wa khroo pyrkhat yow man ka aiñ kawa paka.
Discussion about this post