Dawa ka HYC-EC wow pynlait nei su bai skur heipor wa em ka Lockdown

Ka Hynñiewtrep Youths’ Council-Education Cell ynne ka sngi da e dorkhat ko ha u Montri ka chnat puræ puthi ka jylla u Lakmen Rymbui hadien wa chah ktah ka ri wa ka jylla hi waroh kawi na ka khlam u COVID-19 khamtam hadien wa khang ka sorkar ya ka ri waroh kawi nadooh u Wisu iwa da ktah ya ki bru liang wanang.

Ka seiñ da ong ko wa hadooh ynne ympu em ka hukum na ka chnat puræ puthi ka sorkar jylla wow maap noh ya ki bai skur/College yong kini ki bnai wa em ka Lockdown neibhah lada phah su daw man i iwa chitom ya ki manbei manpa khamtam wa da chah ktah i kreh ki.

Kamtæ ka seiñ da dawa ko na ka chnat wow phah næ pynmih hukum wa ki skur mo ki College hapoh ka jylla ymtoh u chim bai skur/College na ki khynnah neibynta kini ki bnai wa em ka Lockdown.

Da dawa ko wow phah ya kini ki thaw puræ wow pynyinsur ya i por wow su bai skur/College neibynta ki bnai wa wan hadien wa pyndam noh ya ka Lockdown.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da dawa wow hukum wa ki skur wa College ymtoh u pynku næ dawa bai skur/College na ki khynnah neibynta ki Online Class wa da pynman da ki bor pynlai kini ki thaw.

Heijooh i por da dawa ko leh wa ki skur/College toh u pyntikna ki wow su bait ya ka tulop kamwa jooh man cha kiwa sikai wa ki wakreh kiwa ym em sikai (non-teaching) khlem em i khate næ ktah neibynta kini ki bnai wa em ka Lockdown.

Kani toh katkam ka Wyrta na u Enlang Sawian, Secretary Education Cell, HYC CEC.