Shillong: Ka seiñ HYC-Riwar Mihngi Circle Pynursla (RMCP) hapoh i yahkhmat u President yong ka, u Edmund Khongngai da lai yachem ko ya u Dr. M.R. Basaiawmoit ha yung krehkaam DHMO, Lachumiere, Shillong hajrong i wym biang ka thaw sumaar wa em ha ka chnong Pomtung kawa haap ha ka C&RD Block Pynursla.
I wym biang kani ka thaw sumaar toh neidaw wa ki Doctor ym jooh em ki boon tayaw iwa da wanrah yei eh i khoo khamtam ya kiwa kjut wa chitom kiwa wan thiah sumaar ha kani ka PHC.
Ka seiñ da dawa ko leh wow booh noh ar ngut ki Doctor ha kani ka PHC kawa em ha ka chnong Pongtung, khnang wa i chakri ya ki paidbah ha kani ka thaaiñ War ym ktah i ya ki paidbah lada wan chah sumaar ki ha kani ka thaw.
Chooh chooh da dawa leh wow pynbiang yei emkaam ha CHC Pynursla neibhah ki paidbah da ood ki yei wym biang ka um wa khooid wa ki Street Light.
Heijooh i por ka seiñ da dawa ko leh wow booh ya kawi ka kari Ambulance ha kani ka CHC neibhah kamwa man katni em du kawi ka Ambulance kawa wanrah yei eh ha kiwa boon ki liang.
Hadien ini i yachem neiliang u DHMO da kular u wow chimkhia hajrong kini ki mat dawa ka seiñ.
Discussion about this post