Jowai: Ka Hynñiewtrep Youths’ Council (HYC) Sohïong Circle hapoh i yahkhmat u President, u Purningstar Shabong ynnin ka sngi ka 31 tarik da lai yachem ki wa u Sub-Divisional Officer, Sohïong Sub-Division.
Ha kani ka yachem, neiliang ka seiñ da kyrpaad ko na oo wow pynlait um noh ha ka sngi Bibar (Sunday) kamwa jooh man waroh chi kattu, neibhah wa neiliang yong ka PHE ym em de pynlait um ko cha ki paidbah ha ka thaaiñ Nongkseh, Sohïong wa kiwi kiwi manla ki sngi Bibar.
Neiliang u Purningstar da ong u wa ya ka um toh kawa emkaam man ka sngi, kamtæ i ym wai um ha ka tai ka sngi da booh ko yei eh ya kiwa boon ki paaid chong chnong. Nalor ini bynta, ka seiñ da kyrpaad ko leh ya ka chnat PHE wa ym toh de wow tih namo wow taan um napoh khyndaw neibhah daw ktah ya i khydaw kiwa daw raw um. Ka seiñ da kyntu ko ya ka chnat PHE wow thooh ko yaka laad ka luti ka wym ktah yaka rymaw (Eco-friendly) ka wym ktah leh yei chait wei sboh i khyndaw.
Ka seiñ da dawa ko leh ya ka chnat PHE wa toh ko u pynlait biang por ya ka umbam umdih katkam i emkaam lang waroh neibhah boon ki thaw ym yoh tikna ki yaka um neidaw wa pynlait um du kajiak por heiwa kiwa jan waroh ki chnong da pynlait um du chi kynta wei toh u pynku ya i por wa pynlait um ha manla ki chnong khnang yow ye u pyndap pynbiang ya iwa emkaam um kiwa chong chnong.
Neiliang u SDO da kular u wow leh ya iyi wa ka HYC e yumut ko.
Heiyatoh won wa i em kattu katni ki chnong wa em ki bru kiwa lai wai um hi pyndaki chwa wa ki wakreh ka PHE ym pu pynlait næ wym pu toh por pynlait kamwa da booh por, neiliang yong u SDO da kular wa daw khut u ya ki Rangbah Shnong wow yaklam hajrong i leh ki kattu katni kani ya kani ka kaam kawa booh yei eh ya ki wakreh wow pynpoi um cha ki thaw kiwa emkaam.
Discussion about this post