Ka seiñ Hynniewtrep Youth’s Council (HYC) Elaka Shilliang Myntang ynne ka sngi da lai e dorkhat ko ha u Sub Divisional Officer (SDO) ka MeECL Khliehtyrchi wow dawa wow kær soodong ya ki Transformer kiwa em hapoh u pood u ang yong ka chnong Thangrain, West Jaiñtia Hills.
Ya ini i lai e dorkhat da yahkhmat da u Publicity Secretary ka seiñ u Kular Skhem Sariang chirup wa u President ka HYC Elaka Shiliangmyntang, u Pynroi Shylla, kamjooh wa u Secretary u Eiladmi Lamare.
Ka seiñ da kyrpaad joor ko ya u SDO wow chimkhia wow kær ya ki Transformer kiwa booh hei maa wa khroo ya kiwa chong chnong khamtam ki khynnah wa ki mrad.
Heijooh i por ka seiñ dap ko da i diaw wa khroo wei da beiñ joor ko leh ya ki Contractor kiwa pynkreh ya kitai ki Transformer nachwa wa ka yung krehkaam wa ym em chimkhia ki u pait sylli yei rukom kreh ya kini ki thaw booh Transformer.
Ka seiñ da ong ko wa ini i man i wym pyrkhat ya i maa i mynsoo yong kiwa chong chnong ka chnong Thangrain, kamtæ ka seiñ da kyrpaad joor ko leh wow chimkhia ya ini i kaam khnang wow lait na iwon iwon i jia wa sñiawsih.
