Ka Hynniewtrep Youth’s Council (HYC) da dawa ko na ka sorkar wa toh u tuklar ko neibynta wow pynkrehkaam ya ka Office Memorandum (OM) yong ka sorkar pyrdi kawa kdaw che wa ki jaitbru ri-loom toh u yoh ki yaka bhah thungkreh wa 44% neibynta ki Post kreh wa khian wa kynthup haka kyrdan Grade-C wa Grade-D ha ki yung krehkaam ka sorkar pyrdi.
Ka seiñ da yachem ko wa u Montri ka chnat Social Welfare, u Paul Lyngdoh yow pynsñiaw yeini heiwa u Montri da kular u wow chimkhia ya ini i kaam yow phah ya ki chnat krehkaam ka sorkar pyrdi wow bood ya ki kyndon kamwa da kdaw ha ka OM wa da pynmih da ka sorkar pyrdi.
Neiliang u President ka HYC, u Roykupar Synrem da ong u dang ini wa dep ka NEHU da pynbna ko wa em da ki spah tylli ki kaam kiwa khian kiwa lait ha kani ka thaw puræ wei da pynrap u wa lada pynkrehkaam ya OM yong ka sorkar pyrdi, kiwa boon ki tre jylla daw yoh kaam ki ha katai ka skurbah wa ha kiwi ki yung krehkaam ka sorkar pyrdi.
Discussion about this post