Ka seiñ HYC ynne ka sngi da ong ko wa ya ka jylla Meghalaya da e yei pyrtuid ya ka da uwi u Bengali deiwa pynchong yurim du ya u ly’oh wei ini man i i wym chongñia wei iwa sñiaw lakam wa ym em ki tre ri tre muluk ha ka jylla.
Da ong ko wa ya kiwi ki jylla ha India da e pyrtuid hajrong ki jaitbru wa im ha ki kam ka Punjab, Mizoram, Manipur, Nagaland wa kiwi kiwi.
Ha ka jylla Meghalaya ki tre muluk toh ki Ynñiawtrep ha Khasi wa Jaiñtia Hills wa ki Garo ha Garo Hills. Ha Khasi- Jaiñtia Hills wa ha Garo Hills hajrong u ly’oh em leh ki loom, ki wah, ki yingkieñ-jri, ki madan phlang, u slap wa joor, ki kchaaid wa kiwi kiwi wei ym yahaap wow e pyrtuid ha u ly’oh katwa kamtæ ka seiñ da ong ko wa da emkaam wow pynkylla noh i pyrtuid Meghalaya cha ka “Hynniewtrep & Garo Land”.
Da ong ko wa deiwa leh kamni daw che wa kiyi ki kitæ ki tre ri tre muluk wei kiwa synchaar ya ka jylla wei ini daw pynneh pynsah ko yei man kyrpang ki jaitbru.
Ka HYC da dawa ko na waroh ki 60 ngut ki MLA wow pdiang da ka Official Resolution ha ka Yung Dorbar chna aiñ ha ka Dorbar wow wan wow dawa na ka sorkar India wow pynkylla ya i pyrtuid ka jylla Meghalaya cha ka Hynniewtrep & Garo Land.
