Ka Jaiñtia Coordination Committee for Reservation Policy (JCCRP) kawa kynthup ya ki seiñbhalang wa ki Synjuk ki Waheh Chnong da pynman ki ya i chong kyllaiñ myngngor ha Amlarem ynne ka sngi kam chimbynta wow dawa sylli biang ya ka Reservation Policy ka sorkar jylla.
Ha kani ka yakhih uwi na ki heh ka JYF hawa e yei klam da ong u wa ka sorkar ymtoh u pynkut ko du ha ka Expert Committee, heiwa da ban joor u leh wa kani ka Committee ymtoh u pynman ya ka kam wow pynjem ya i yakhih ka JCCRP.
Da ong u leh wa lada ka sorkar ymye ko wow thung ya ki dkhot ka Expert Committee hapoh 15 sngi tæ daw pynman ya i yakhih wa rap joor.
Ka Deiwi Tongper kawa man ka President ka STIEH hawa e yei klam da ong ko neidaw wa ki MLA suki ki yeini i kaam, ini pynyoo wa chukor ki ya ki paidbah wa kyrchaan ya ki wei da toh i por wow mylliñ noh ki ya ki Party yong ki.
Da beiñ ko leh ya u Rakkam Sangma, u Montri ka chnat puræ puthi uwa ong wa kani ka yakhih toh ka ‘Political Drama’ deiwa ong wa ini toh i dawa yong i ya i hok wei ymtoh wa knieh i yei bhah ki Garo.
Kiwi kiwa da klam leh da ong ki wa kani ka Expert Committee toh u thung ya ki dkhot hapoh 15 sngi wei toh u man ko ka Committee kawa laitlooid.
