Dawa ka JNC-KC wow kyrriah ya u Transformer wa em ha chrooh skur

Jowai: I em uwi u Transformer ha ka skur yong ka Iawpynkat U.P. School, Khliehriat West uwa em ha chrooh ka yung skur da pynman ko ya ka seiñ JNC-KC wow ong wa da pynsyier ko ya kiwa sikai yong kani ka skur wei kamjoh leh ya ki bei ki pa yong ki khynnah skur yong kani ka skur wei kamjooh ya ki paidbah wa boon wa lang, neibhah lada jia iyi iyi wa sñiawsih ha iwon iwon i por wa uni u Transformer ye u wow pdung wow kem diñ ha i por wym poi pyrkhat lane wa jia wa ki khynnah skur toh u lai bakla wow yaleh ke cha jan yong uni u Transformer.

Kamtæ ka JNC-Khliehriat Circle da lai yachem ko wa u JD Sumer uwa man u Executive Engineer ka MeECL Khliehriat Distribution Division wow booh ya ka ujor yow kyrriah noh ya u uni u Transformer cha kawi ka thaw khnang yow lait na i ma i mynsoo wa i jia wa sñiawsih.

Ka seiñ da pynkynmoo ko wa ha u snem 2014 du neidaw wa em u chrot bordiñ hajan kawi ka yung wa em ha Khliehriat West da dooh yei mynsien ki 7 ngut.

Neiliang ka yung krehkaam u EE ka MeECL Khliehriat Distribution Division da ka lai pait ki ya kani ka thaw wa em uni u Transformer deiwa emlang leh kiwa kitkaam chnong ka Khlierhriat West wa kiwa sikai yong kani ka skur wei da chem wa em i ma wei da emkaam wow kyrriah ya uni u Transformer cha kawi ka thaw wei daw thooh thaw cha kawi wow booh ya uni u Transformer.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ini toh katkam wa pyntip u Knermeki Rymbai, Publicity Secretary Jaiñtia National Council-KC.