Ka Jaiñtia National Council-Western Zone hei yahkhmat u President yong ka, u Hamehi Bamon, dei mynsien wa sñiawkhia hadien wa da yoo ya ki khubor wa da jia ya kawi ka manbei kawa da chah thang pyn ha u kurim yong ka hi, u Dahun Dkhar, neiliang ka seiñ da pynsñiaw ko yei beiñ wei da dawa wow pynchitom joor ya uni u bru.
Hajrong ini, ka seiñ dei sñiawkhia wei ym sñiawsuk wei ym sñiaw yahaap ko wa jia kam ini ha ka imlang sahlang, ynnin ka sngi da lai ko cha ka chnong Niriang yow yachem wa kiwa ha-yung ha-sem yong kani ka manbei kiwa da pyntip wa u Dahun ymtoh i sien wa nyngkong wa thombor u ka heiwa da jooh dat jooh choh u ka wei ha ini i por won da thang u ka hadooh wa yoo chyrkhei wei dang em ko ha kyndian mynsien kawa dang em hapyrdi i sumaar ha Shillong Civil Hospital.
Kamtæ ka seiñ da beiñ joor ko ya u Dahun Dkhar uwa leh ya kam ini i kaam pohjait i wym rap jooh jia hapoh ka jylla yong i, deiwa beiñ joor leh ya kam kini ki jaitbru ki wym em de i mynsien yong bru kiwa em dei mynsien mrad mynsien ksuid.
Ka seiñ da dawa joor ko na ki bor ka aiñ wow chimkhia ki wow pynchitom joor ya kam kini ki bru wei ymtoh wow pynlait ya oo du hapoh kattu katni bnai wei hapoh kattu katni snem donhi, khnang wa kam kini waroh ym jia biang i mynstep mankawi yow wiar jait hi ki deiwa pynkhor ka aiñ.
Discussion about this post