Ka Jaiñtia National Council (JNC) Western Zone da lai yachem ko wa u DC ka West Jaiñtia Hills District hajrong i ood i naam kiwa boon kiwa yaleh kreh khamtam heiyatoh wa iwa dang dep pynman Exam ka DSC heiwa ym ye de u pdiang yei rukom pynlai ya ka Exam.
Ka seiñ da ong ko wa kiwa lai thoh Exam kiwa em ya ka Admit Card wa ki Roll Number tangwa ha ka sngi thoh Exam da booh jhulum donhi yei rukom chong heiwa ym em biah Roll Number ha ki thaw chong wei da jied thaw katwa yoosuk kiwa wan thoh Exam wei ini i rukom pynbait toh i wym ye u pdiang wei ye u em leh iyi iyi i pyrchang wow leh tooh.
Sa kawi kawa da pynsñiaw ha u DC toh yei rukom pait rukom sylli ya kiwa wan thoh Exam neibhah da emkaam wow leh katkam ka juk wa katni deiwa pynemkaam da ki QR Code khnang yow lait u jia iwon iwon wa daw pynsñiawsih yei kreh chitom wow yaleh ya ka Exam neibhah wot hadien wa da kynreh da sylli da ki pulit ya kiwa wan thoh Exam dang em kiwa yoh u psiah chapoh deilang wa ki Mobile Phone yong ki, wei ini pynyoo wym em janai i rukom pynkhreh namo ka Checking kawa rkhiñ bha.
Kamtæ ka seiñ da e buit ko cha u DC wa toh u e laad ya kiwa wan thoh Exam wow rah du u klong um donhi wei uwa man Transparent.
Da yaklam leh yei tyngkhooh tarik ki Exam ka MPSC wa DSC wa ymtoh de wow jia i neini chakhmat.
Neiliang u DC da pdiang wei da kular u wow chimkhia ya ini waroh wa da wanrah ka seiñ ha ka miej yong oo wow leh u yeiwa emkaam, wei da kular u leh wym jia de kamni neini chakhmat.
Discussion about this post