Ynne ka sngi ka Jaiñtia Student’s Movement, Western Region ha i yahkhmat u L. Chanskhem Suchiang, President JSM-WR ryngkat u Jimmy Raul Kharmuti, Working President JSM-CB wa kiwi kiwi ki dkhot da lai e dorkhat ki ha u MLA ka Jowai u Wailadmiki Shylla uwa man leh u Chairman ka chnat MUDA ka sorkar jylla lyngba ka yung krehkaam u Deputy Commissioner Jowai, West Jaiñtia Hills District.
Ka seiñ da e dorkhat ko hadien wa wan pait ya u sarok Intermediary Jowai Bypass uwa nadooh yingkieñ Myntdu hadooh ha laad Kiang Nangbah College uwa jrong 3.27 Km wei uwa haap hapoh i pait ka PWD South Division, Jowai.
Uni uni u sarok man u uwa emkaam bha wow pynduna ya i sahkut kari hapoh Jowai, khamtam heipor lai wei wan skur ki khynnah kamjooh heipor wa lai kreh ki bru yow lait ki u psiah napoh ka chnong Jowai.
Neiliang ka JSM da yaroh ko ya u MLA ka Jowai hajrong i wanrah u ya ki sarok wa bha hapoh ki chnong ka Jowai Constituency, wei ngait skem ko wa nei kreh chitom u MLA daw ye u pynmiat biang ya uni u sarok khamtam ki khap wow lai cha Shillong wa kiwi ki thaw.
Discussion about this post