Dawa ka JSM wow booh chnat ka Meghalaya Rural Bank ha Jalaphet wa ha Nongkhlieh

Ka seiñ JSM Jalaphet Circle da thoh ko cha u Chairperson ka Meghalaya Rural Bank yow dawa booh chnat kani ka Bank ha chnong Jalaphet wa ha chnong Nongkhlieh.

Ka seiñ da ong wa ka chnong Jalaphet kawa em hapoh ka Saipung C&RD Block toh kawa jngai kamwa 4 Km na Sutnga kawa em ka chnat ka Meghalaya Rural Bank wei ka thaaiñ Jalaphet toh kawa em boon tylli ki skur, ki dukan wa ki karkhana wa kynthup lang ya 24 tylli ki chnong wei i boon bru da em ki kamwa 40,000 ngut kiwa da hap bait wow lai cha Sutnga manda emkaam ki wa ki Bank.

Da pyntip leh wa na kini kiwa boon toh ki wym em Bank Account wei ini da ktah bha ko ya ki wow yoh myntoi ki na ki Scheme sorkar kiwa phah poisa ka sorkar lyngba ka Meghalaya Rural Bank.

Kamtæ da dawa neibynta ka Jalaphet wa ki 24 tylli ki chnong wow sñiawbha u booh ya kawi ka chnat ka Meghalaya Rural Bank ha Jalaphet wa kawi ha chnong Nongkhlieh yow yarap u kyntu ya kini ki chnong wa jngai na sor.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024