Ka Jaiñtia Students Movement (JSM) Central Body da kyntu ko ya ka sorkar Meghalaya wow yaklam waka sorkar pyrdi yow booh ya ka Exam Centre neibynta wow yaleh ya ka Common Entrance University Test ha Jowai neibynta kiwa lai puræ ka thaaiñ Ri-loom Jaiñtia.
Neiliang u President ka JSM, u L.S. Rymbai, da ong u wa ka sorkar pyrdi da rai ko wow pynman ya ka Common University Entrance Test (CUET) (UG) 2022) yow yoh u lai puræ hapoh waroh ki Under Graduate Course lane ki Bachelor Degree ha waroh ki Central University kamjooh ki College wa da tipmit da kini ki University neibynta u snem 2022-23.
U Rymbai da pynchlur u leh ya waroh kiwa dang yaleh Class XII wow yaleh ki ya kani ka Common Entrance University Test (CEUT) yow ye ki u lai puræ ha ka kyrdan Bachelor Degree.
Da pynchlur u leh ya ki khlieh ki Higher Secondary School kamjooh ki College wow khana ki ya ki khynnah yong ki wow thap pyrtuid smat ki yow ye u yaleh ya kani ka CEUT.
Da kyntu leh ya waroh ki Rainbow Centre waki Cyber Cafe wow yarap ki ya kiwa thap pyrtuid wow yaleh ya ka CEUT kamjooh ya ki Deputy Commissioner ka Jowai wa Khliehriat wow yarap leh ya ki khynnah wa yaleh CEUT lyngba ka NIC ka yung krehkaam yong ki.
