Ka JSM Shangpung Unit da pynsñiaw ko yei sñiawkhia yei em uwi u chrot bordiñ ha Myntkung Wahchnong uwa da doon chiliang wei da jan haap uwa ye u ban ya ki yung wa em hajan.
Ka seiñ lyngba u President ka Unit hadien wa da yoh ujor ko na ki paidbah da lai hiar ko wut wut cha ini i thaw wei da chem wa i tre uni u chrot toh iwa da baam i sarang wei ye u wow oor ha iwon iwon i por iwa da pynyang chwa i maa ya ki yung wa em hajan.
Da pyntip leh wa ha ka 12 tarik uni u bnai da dep wow lai ujor cha ka MeECL tangwa ym em leh ki iyi iyi lait neiwa bood donhi da ki moo ha tre uni u chrot, kamtæ da kyntu ya kani ka chnat sorkar wow leh ko yeiwa emkaam yow lait neiwa sñiawsih, lym kamtæ daw ujor cha ki heh.
