Ka seiñ JSM da thoh ko cha u Montri Rangbah ka jylla, u Conrad Sangma yow dawa pynman Spring Capital ya ka chnong Jowai deiwa e daw wa ka Meghalaya da yabhah ya ka ha ki le bynta kitæ ka Khasi Hills, Garo Hills wa Jaiñtia Hills wei da em leh le tylli ki Autonomous District Council kitæ ka KHADC, JHADC wa GHADC.
Da ong wa ka Jaiñtia Hills chwa wow khang ka NGT yei tih mooyong toh kawa pyndap poisa cha ka muna tangka ka jylla na ki dan wa da yoh na u mooyong kamtæ yahaap bha wow man Spring Capital chwa wow sdang u snem mang tangka.
Da pynkynmoo wa ha ka 3 tarik u Kmaichonglad (Dec) 2022, u Montri Rangbah da booh mooyurim u wow chna ya ka Mini Secretariat hei thaw wa jooh em ka PWD Jowai North Division ha Ladthadlaboh, Jowai wei ya kani ye wow pynku kyrdan ka cha ka Secretariat wa pura.
Kamtæ hajrong ini waroh da yooluti wa daw pynman ya ka chnong Jowai kam ka Spring Capital neibynta i bha i miat ki paidbah ka Jaiñtia Hills.
Puræ leh: Ha i lut wa T. 19.8 klur u chna ya ka Mini Secretariat ha Jowai
Discussion about this post