Ka JSM da e dorkhat ko ha u DC ka West Jaiñtia Hills District hajrong i chna Police Outpost ka sorkar Assam ha chnong Saba iwa em hapoh ka West Jaiñtia Hills District heiwa da chah dat leh ki dkhot ka seiñ UHM haka 23 tarik heipor wa lai pait ki ya ini i chna ha ki bru na West Karbi Anglong kiwa wan na ka chnong Umkhermi.
Ka JSM da ong ko leh wa ini i thaw wa chna ya ka Outpost toh iwa em hapoh ka West Jaiñtia Hills District iwa pynyoo yei toor pood ka Assam chapoh Meghalaya heiwa ka Assam da chna Police Outpost chna sarok ko hapoh Meghalaya katwa ngait ko tangwa ka Meghalaya won ym nood ko wow pynsangeh ya ka Assam.
Kamtæ ka JSM da dawa ko na ka sorkar Meghalaya kamjooh ki bor District ka West Jaiñtia Hills wow phah pynsangeh yei chna ya katai ka Police Outpost ha Saba wei wow tympra leh ya iwa da chna da ka Assam.
Toh u lai pait leh yow pyntikna wa da sangeh hi wot u chna ya ka Outpost wei wow booh pulit yow yada ya ki paidbah katai ka thaaiñ.
Da dawa leh wow booh ya ka Police Outpost ka Meghalaya hajan i thaw wa da chna ya ka Outpost ki pulit Assam yow pyntikna wa sangeh i chna ya ka Outpost.
