Jowai: Ka seiñ Jaiñtia Students’ Movement-Central Body da dawa ko na ki le ngut ki MLA yong ka seiñ UDP na ri-loom Jaiñtia wa ki toh u mih noh ki na ka sorkar MDA kawa yahkhmat da ka NPP neibhah ka NPP da chet kylla ko ya ki paidbah yong ka jylla Meghalaya deiwa kyrchaan ya ka CAB.
Ka seiñ da beiñ joor ko yaka Agatha Sangma ka MP ka seiñ NPP kawa da e kyrchaan kawa pura ya ka CAB ha ka Lok Sabha.
Ka seiñ da ong ko wa ka Agatha ka tip che kdar ko wa ki paidbah yong ka jylla ki pyrchah ki yaka CAB tangwa ka da jied ko wow yaleh pyrchah ya ka sur ki paidbah.
Ka seiñ ka dawa ko ya u Kyrmen Shylla, u Lakmen Rymbui wa u Nujorki Sungoh wa waroh ki MLA ka UDP wa ki toh u mih noh ki naka sorkar wa yahkhmat ka NPP lada ka Party UDP toh sakhiat ka Party ki jiatbru ri-loom kawa yieñ neibynta i hok ki jaitbru ri-loom.
Lada ym mih na ka sorkar da pynyoo wa kitai ki MLA ki maya chuki ym ya ka jaitbru wei ki paidbah daw e ki yei sneiñ ha u snem 2023.
Ka seiñ da pynrem joor ko yaka sorkar kawa da yoo beiñ yei sñiaw yong ki paidbah deiwa mynjur yaka Citizenship Amendment Bill ha Lok Sabha.
Discussion about this post