Kiwa kitkaam ka JSU Khliehriat Circle da yachem ki ya u Paul Lyngdoh, Montri ka chnat Social Welfare ryngkat i emlang u MLA ka thaaiñ uwa man leh u Montri ka sorkar, u Kyrmen Shylla heipor wa lai pait ya ka yingkieñ ha Sahksaw ha ka 20 tarik wei neliang ka seiñ da e dorkhat ki ha u Paul Lyngdoh.
Ka seiñ da e yumut ko cha ka sorkar wow e bhah e bynta lang ya ka East Jaiñtia wow chna ya ka yung sah wei sumaar (Rehabilitation Centre) ya kiwa kyrni drugs neibhah ka East Jaiñtia Hills District man ko kawi na ki thaw wa joor kiwa dih drugs wei i psiah i mih ki drugs.
Heijoor i por ka seiñ da sñiawkhia ko yei ku kiwa pynemkaam drugs hapoh East Jaiñtia Hills heiwa kiwa boon toh kiwa dang hapoh 18 snem kiwa khia bha ka yukit yow lehbha hei puræ puthi, ki yalehke Sports wa kiwi kiwi de wei deiwa em kani ka thaw daw ye u yah biang ki cha ka luti wa biang.
Neiliang u Paul da ong u wa daw chimkhia u yeini i e yumut ka seiñ wei da phah u ya ki sahep wow leh yeiwa emkaam yow pynyoh thaw yow booh ya kani ka Rehabilitation Centre.
Discussion about this post