Ka JSU Jowai Circle ynne ka sngi hapoh i yahkhmat u President, u Borntifulson Rupon da lai yachem ki wa u Deputy Commissioner ka West Jaiñtia District yow yaklam hajrong ki kattu katni ki mat wa ktah ya ka imlang sahlang.
Neiliang ka seiñ da kdaw ko yeiwa jia neipor cheipor i ya tyrrah kari, i kylla kari hajan ka Jowai Civil Hospital, Ialong wa ha kiwi ki thaw wa boon kam ha laad Jowai Bypass ha Soomer, hakhmat ka laad wow lai cha Woodland WK Hospital heiwa da boon jia kam ini wei da dooh leh yei mynsien bru.
Kamtæ ka seiñ da ong ko wa emkaam wow booh da ki Speed Breaker, ki Divider Lane wa ki Road Sign kiwa che bha khnang wa ini ym jia de i neini chakhmat.
Ka seiñ kyntu ko ya u DC wow yaklam wa ka NHAI kamjooh ka chnat PWD wow chimkhia ki yeini khang wow lait nei jia ma jia iwa sñiawsih.
Neiliang u DC da kular u wow chimkhia hajrong ini i bynta wei ka seiñ da ngait skem ko wa daw pynyoh u yeini wa da dawa neibynta i myntoi ki paidbah.
Puræ leh: Khlaad uwi hei ya tyrrah kari hajan Civil Hospital ha Ialong
Puræ leh: Mynsoo ar ngut hei chah ban ka kari ha ka Truck Dumper wa kit moo ha Soomer
Puræ leh: Mynsoo joor 2 ngut hadien wa tyrrah ka Truck ya 4 tylli ki kari hajan ka Civil Hospital ha Ialong
Puræ leh: Ya tyrrah kari biang hajan Civil Hospital, yut uwa yah kari khian
Discussion about this post