Jowai: Ynne ka sngi ka 30 tarik ka Jaiñtia Students’ Union (JSU) Jowai Circle ha i yahkhmat u Neal Jordan Rymbai wa u Aplang Lamare kiwa man kam u President wa General Secretary ka JSU Jowai Circle, da lai yachem ki ya u Executive Engineer ka MeECL heiyatoh wow phah kyrriah yaka por wa pyndooh bordiñ neidaw wa ki khynnah wa puræ College wa ki khynnah skur daw em ki yaka Exam ha u Naisan (May).
Ka seiñ da ong ko wa i pyndooh bordiñ nadooh 9 waje i miet hadooh 12 waje pyrdi synyaw da ktah ko yei pynkhreh Exam kiwa dang puræ.
Ka seiñ da pyntip ko wa neiliang u Executive Engineer da jubab u wa da i yong oo hi samen ym ye u leh iyi iyi leh tangwa da kular won u wow thoh cha ka sorkar khnang wa ka sorkar u e ko yei bor wow kyrriah yei por.
Neiliang ka JSU Jowai Circle dap ko dei kmen wada kular wow chimkhia u Executive Engineering ya kani ka kaam wei da yooluti wa ka sorkar leh daw chimkhia hi ko yeini i kaam wada wan kyrpaad ka JSU Jowai Circle.
Discussion about this post