Dawa ka JSU Modymmai Unit wow wai noh ya ka Quarter ki Nurse

Ynne ka sngi, ka JSU Moodymmai Unit hei yahluti u President, u Nevercare Passah chirup wa u General Secretary, u Emitre Pariat da yachem ki wa ka DMHO ka West Jaiñtia Hills heiyatoh wow wai noh ya ka yung Quarter yong ka Moodymmai Sub-Centre neibynta ki Nurse wa kiwi kiwa kreh.

Ka seiñ da ong ko wa i wai ya kani ka Quarter daw yoh kiwa kreh u chong u sah khnang wow ye chooh chooh ki u chakri deiwa miat wa bha ya ki paidbah wa hap hapoh i pait kani ka thaw.

Chooh chooh ka sieñ dawa ko wow chna pynbha ya ka Gate heh wow psiah chapoh Sub-Centre neibhah wa man ko da kawa da jæd da pra wei u siang noh da i khyndaw-bilat ya ka luti na Gate heh wow lai cha kani ka thaw sumaar.

Da ong leh wa da tip yei daw wym pynkrehkaam ya kani ka Quarter toh neidaw wym pu ye u su ya ka poisa u Contractor.

Related posts

Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

November 2, 2025

Kynmoo tympang ka Balang Catholic Jowai yei mynsien kiwa da khlaad kam chibynta ka All Souls’ Day

November 2, 2025

Ka seiñ da kyntu ko ya ka DMHO wow hukum ya ki bru yong kani ka thaw sumaar wow pynkhooid pynpliah ya kani ka thaw sumaar neidaw wa ka seiñ chem ko kani ka thaw man ko kam i khloo bah heiwa ym chngaaiñ de ya ki paidbah.

Hajrong ini, da kular ko wow chimkhia wut-wut.