Kiwa kitkaam ka JSU hadien wa yoh yutip ya i leh embor ki kattu katni ngut ki pulit ya kiwa dai jhoor ha Iawmusiang, Jowai deiwa beh wei knieh ya ki mar kam ki jhoor wa ki soh wa da thap hapoh ki kari pulit katni ymtip cheiwon booh næ da noh ya ki.
Ki dkhot ka seiñ wa ki paidbah kjut-nood ki wei dap ki dei wyrai yei chah lehbeiñ kiwa dai jhoor neibhah ymtoh i bakla yong ki neibhah wa ha kam kini ki por ym yohsa ki wow mih wei wow chongdai neibhah wa da ban i dooh khnang wow pyndap yeiwa emkaam ha yung.
Neiliang ka seiñ da beiñ joor ko ya ini i leh embor ki pulit wei i wym em sñiaw de ya kiwa khih na kti ha ktien wei ka seiñ da dawa ko wow su noh ya ka bai lutsan cha kiwa dai jhoor wei wow pyntikna wa neini chaphrang ym jia de kam ini iyi iyi waroh.
Ka seiñ da e yumut ko leh cha u DC wa ki bor District wow pynbiang noh ya ki thaw wa biang pura wow yohlaad kiwa chongdai u dai ya ki jhoor khnang wow lait na i awri awra wa ki bor ka aiñ deiwa pyntikna leh wa daw bood ryntih ya ka hukum ka chnat i chait i khiah.
Chooh chooh ka seiñ da ong ko wa kam ha kini ki por emkaam yei yakrehlang khlem yoobeiñ næ leh chiliang ya kiwon kiwon khnang wow ye u yaleh pyrchah ya i dooh wa i thngan wei wow yada khamtam na i poor ka khlam COVID-19.
Kani toh katkam ka Wyrta na u General Secretary ka JSU Jowai Circle u Wansalan Dame Patwet.
