Jowai : Ka Jaiñtia Students’ Union (JSU) ha ka 22 tarik da lai yachem ko wa u EM in charge ka Trading License ka JHADC u K. Lytan wow pynsñiaw yei sñiawkhia hajrong wym krehkaam pura ka Trading License wa ka Temporary Clearance Certificate (TCC) wei kamjooh ka Labour Certificate neibynta ki baar jylla hapoh Ri-loom Jaiñtia waroh kawi.
Hei yachem da pyntip wa ka Council lyngba ka tnat Trading License em ki boon ngut kiwa kreh nadooh ki inspector wa kiwi kiwi kiwa lai kylleiñ wow khanglaad ya ki baar jylla u khih u kreh khlem em ki kot ki sla wa biang.
Ka seiñ da ong ko wa hanlada em kini ki bru, yoo phylla wow yoo wa roi ki baar jylla kiwa wan kreh wa wan booh dukan khlem biang ki kot ki sla, wei kiwa em leh ym jooh wan pynthymme (renew) ki ya ki.
Kamtæ ka seiñ dawa ko na ka Council wow krehkaam sani bha khnang wa ka Council ym doohnong (revenue) ko na ki.
Kani toh katkam ka khubor wa da pyllait na u Cultural Secretary ka JSU u C. Passah.
Discussion about this post