Jowai: Ka JSU Central Body wa ka Jowai Circle hapoh i yahkhmat U General Secretary ka seiñ u Jersom Shylla da lai hiar sylli ki ya ka Pumping House namo ka yung taan um ka chnat PHE wei da chem wa dang boon bha ki duna iwa toh u pynbha ya kani ka Pumping Station kawa man kani donhi kawa saam um cha waroh kiwa chong chnong ka Jowai.
Ka seiñ da chem ko wa ym em i kær ya kani ka thaw, ym em ki kamra wow chong kiwa wai wa khang um hadooh ki wow pait ya ki tiar kiwa emkaam ha kani ka Pumping House. Ka seiñ leh da lai pait ko ya ka Dam RCC kawa man ka thaw pyllang um kawa taan wow pynpoi cha waroh ka chong Jowai .
Hadien ini da lai yachem wa u EE ka PHE Electrical Division wei neiliang yong oo da pynsñiaw u wa da dep thoh cha ka sorkar nadooh u snem 2018 yow chna noh da ka Dam wa heh kawa thymme ka wow neh slem neidaw wa kamwa man kattæ ka Dam wa em katni man ko kawa da rim wei ye ko u piah ha iwon iwon i por.
Neiliang ka seiñ da sñiaw ko wa emkaam wow booh sa kawi Pumping House neibhah lada sih kawa em katni daw dooh nong ki paidbah wei ka seiñ da kyntu leh ya ki bor sorkar nadooh u montri yong ka PHE hadooh u MLA ka thaaiñ u man ki kiwa chimkhia hajrong kani ka kaam.
Ini toh katkam wa pyntip u Publicity Secretary ka seiñ u T. Mukhim
Discussion about this post