Hadien wa ku syndet kiwa chah ktah ha u khñiang khlam COVID-19 hapoh ka jylla, ka JSU- Shillong Circle da kyntu ko ya ki bor sorkar wow ap yei e yumut ka seiñ ya ka neibynta i bha i miat ka sorkar waroh.
Ka seiñ da dawa ko na ka sorkar wow pyntip ya i pyrtuid kiwa yoh COVID-19 wow suk wei wow chemdien ya ki bru wa yachem kiwa yoh ya uni u khñiang khnang wow ye u pynsuk ya ki paidbah wei wow yada ya ki leh kamjooh.
Da e yumut ko leh ya ka sorkar wow thooh tre ya kiwa lai baam bia ha Greenwood Resort deiwa pait bniah ya ki dur wa ki Video na ini i khawai khnang wow tip kiyi de wa lai bia.
Ka seiñ da ong ko wa da kyntu ko ya ka sorkar wow pynkhor yei lai i wan ki chipai ka BSF wa ki Army ha ki bnai wa dadep.
Ka seiñ dadep thoh ko nadooh ka 24 Naisan wow chimkhia wow Test wei wow pynkhor yei psiah i mih ki chipai BSF chapoh ka jylla tangwa ka sorkar ym em ap ko yeini wei ki paidbah da chem chitom ki katni.
Chooh chooh da kyntu ko ya ki paidbah wa kiwi ki seiñ wow wan chaphrang wow e yumut ya ka sorkar khnang wow ye ko u leh yeiwa emkaam neibynta ki paidbah.
