Ka JSU deilang waka KSU West Jaiñtia Hills Unit ynne da thoh ki cha u Montri ka chnat puræ puthi, u Rakkam A Sangma kamjooh cha u Montri Rangbah ka jylla, u Conrad K Sangma heiyatoh wa i kulmar ki khynnah wa thoh yaka NEET-UG 2024 Exam ha St. Mary Mazzarello Higher Secondary School Jowai heiwa da mih ar tylli ki thup yukylli (Question Papers) hadooh wym tip de kawon kawa toh u jubab ki.
Ini i toh ya kani ka NEET toh iwa haka 5 tarik uni u bnai heiwa da em da ki spah ngut ki khynnah kiwa da wan wow thoh ya kani ka Exam tangwa manda poi i por wow thoh Exam da mih ar jait ki Question Paper kiwa MNOP Booklet wa QRST Booklet wei da em kiwa pynlut por wow thoh da kawa bakla wei kiwa pait yaka Exam leh da chimpor ki wow ong deiwa tikna kawon kaw toh wei kawon kawa bakla hadooh wa poi u pood wa ong ki yaki khynnah wow jied da kawon kwah ki u jubab.
Neitæ da kulmar leh heiyatoh waka Admit Card kawa toh u chim kani ka Exam Centre heiwa ym em chim ki wei da em wa hap wow wan dei miet yow lai e ya kani ka Admit Card neibhah ki khynnah da rah ki ka cha yung.
Ki ar seiñ da ong ki wa deiwa jia ini da chah ktah ka mynried ki khynnah du neidaw wym em biang e sikai ya kiwa pait yow pynman ya kani ka Exam.
Kamtæ da dawa wow pynman biang ya kani ka NEET Exam sa chisien neibhah kini ki khynnah toh kiwa em i thrang wow lai puræ Doctor wei ka sorkar leh toh u thooh ko ki laad ki luti yow pyntikna wa kam ini ym jia de i neini chakhmat.
Discussion about this post