Jowai: Ka Jaiñtia Students’ Union (JSU) Central Body da kyntu jur ko ya waroh ki chnat krehkaam ka sorkar kiwa em hapoh ka District wa ym toh u kheiñstin wei wow pait bniah ya ki bru kiwa mih wa psiah chapoh ka District ha kam kini ki por wow yada katwa ye na i poor yong u khñiang COVID-19.
Hawa yatoh wa ini, ka seiñ da kyntu ko yaka chnat i chait i khiah lyngba ka District DM&HO wow pait bniah wei wow Test bha ya kitu ki bru kiwa wan na baar. Kamjooh leh da kyntu ya ki pulit wa em ha ki Entry wa Exit Point wow piatbniah bha ki ya kiwa psiah wa kiwa mih ki bru kiwa na baar khamtam kitu kiwa wan na ka jylla Assam.
Neiliang yong ka seiñ da ong ko wa toh leh u booh yaki thaw sait kti hajan ka yung krehkaam u DC Jowai neibhah kamwa man kattæ boon ki bru hap ki wow lai emkaam chapoh katai ka yung krehkaam sorkar, wei kani leh man ko kam chibynta wow yada na u khñiang COVID-19.
Discussion about this post