Ka JSU Mynso Unit chirup hei yahkhmat u General Secretary ka Shillong Circle, u Request Pakma da lai yachem ki ya u P. Synnah uwa man leh kam u Executive Engineer ka PHE (Electrical Division) Jowai.
Ini i yachem toh hajrong i pynkrehkaam ya ka Scheme Jal Jeevan Mission (JJM) neibynta wow pynpoi umdih ha manla ki thlu yung kiwa haap hapoh u pood u ang ka chnong Mynso-A wa Mynso-B.
Neiliang ka seiñ hawa yaklam wa uni u sahep da dawa ko wa kani ka Scheme toh u lai bait ko wow pynkreh ya ka khnang wow myntoi ki paidbah ka chnong khlem iwon iwon i pynthut ki kattu katni kiwa kwah myntoi samen.
Ka seiñ da ong ko leh wa ya i kreh toh u ekti ha ki tre chnong katwa joh i bor yong ki neidaw wa ki tre chnong tip yei thaw lyngba ka Committee ka VWSC wei daw yarap ko leh ya ki paidbah ka chnong wow yoh kreh ki kam ha kini ki por.
