Ka JSU-Khliehriat Circle ynne ka sngi da ekti ko ya ka dorkhat ha u DC ka East Jaiñtia Hills District wow dawa ker Railaing ya ki sarok ha tymbud ki sarok ka Ladrymbai wa Khliehriat.
Ka seiñ da ong ko wa i chngaaiñ ki sarok toh iwa emkaam bha wei emkaam wow yada ya kiwa lai luti-kjat kamjooh leh kiwa yah kari. Da ong ko wa ki Railing yarap ki wow yah luti ya kiwa lai-kjat khamtam chwa wow poi ki Zebra Crossing Point namo ki thaw kaap cha chiliang sarok.
Da ong ko leh wa ha ki snem wa dep da sakhia wa yap ki bru wei kamjooh kiwa mynsoo ha kini ki ar chnong ka District neidaw wym chngaaiñ ki sarok wei i wym em ki Safety Railing System.
Kamtæ ka seiñ da kyntu ko ya ka sorkar wow booh ya ki Roadside Pedestrian Safety Railing System neibynta i bha i miat ki paidbah ha kini ki chnong.
