Ka seiñ JSU Moodymmai Unit ymnin ka sngi Thohdieñ da lai yachem ko ya u DMHO ka West Jaiñtia Hills District hajrong i chah iehbeiñ ka Health Sub-Center kawa em hapoh ka chnong Moodymmai.
Ka JSU-Moodymmai Unit hapoh i yahkhmat u President u Nevercare Passah wa u General Secretary u Emitre Pariat da lai booh ki daka chithi hakhmat u DMHO wow dawa pynbha smat yaka Sub-Center neibhah wa man i iwa khang wei ki tin sap leh toh kiwa da jæd da pai lut waroh kamjooh i rong leh man iwa da khoh lut waroh.
U Nevercare da ong u wa iwa rap yoo kthang chooh chooh toh wa kani ka thaw sumaar yong ka sorkar kawa em hapoh ka chnong ym biang bha ka paikhana wei ka um-baam um-dih leh ym biang hapoh kani ka thaw sumaar. Kamtæ neiliang ka seiñ da dawa ko na u DMHO wow pynbha pynchan smat ya kani ka thaw sumaar neibhah ki paidbah wa ki Nurse chem chitom ki khamtam ha i por slap katni.
