Ka JSU Laskein Block Circle hei yahkhmat u President, u Dapmain Suchiang wa u General Secretary, u Franky Shylla deilang wa u Finance Secretary, u Chibaitlang Langstang deilang wa ki dkhot ka seiñ da lai yachem ki wa u Montri Kaam Pohyung, u Lahkmen Rymbui yow dawa pynkrehkaam noh syndon ya ka ya ka yung krehkaaam tympleh diñ namo ka Fire Station hapoh ka chnong Raliang hapoh uni hi u snem.
Ka seiñ da ong ko wa i wym em ka yung krehkaam hawa jia wa em i iñ yung da pynman ya kiwa chong wow maad ki chiboon i eh wei da hap lai paan yarap nadooh na Jowai wei da chimpor wow poi hadooh wa dooh yei mynsien bru nei iñ yung.
Kamjooh ka seiñ da dawa ko leh na ka sorkar wow pynku kyrdan yaka Raliang Police Outpost cha ka Police Station neibhah ki bru kat dang lai i por dang boon ki katwa ka yung krehkaam dang neh ko kamjooh wei kani ka Outpost da chem chitom hawa em iwa jia wa chyrkhei wei man ko leh iwa eh wow poi ki pulit cha ki thaw wa em iwa jia iwa da ktah yei chongsuk wa i chngaaiñ ki paidbah wa em hapoh i pait kani ka Raliang Outpost.
Kamtæ neiliang yong u Montri da kular ya ka seiñ wym pynslem wei daw chimkhia yeini i eh ki paidbah.
