Ka JSU Bataw Unit da dawa ko na u Assistant Executive Engineer Khliehriat Distribution Sub-Division wow riñ bordiñ ya Dong Mihsngi yong ka chnong Bataw kawa em ha East Jaintia Hills District.
Ka seiñ da ong ko wa ini i taan bordiñ da sahteiñ i la kamwa 4-5 snem iwa da pynyoo yei chah ieh beiñ.
Ka Jaiñtia Students Union-Bataw Unit da dap ko da i sñiawkhia wa joor wow yoo wa ki manyung mansem wa chong wa sah ha Dong Mihsngi da sah ki hei doom da boon snem khamtam ha kam kini ki por wa ki khon khynroo khyllood da leh ki ya ka Online Class wei hadooh katwon chem ki yei eh, kamtæ da kyrpaad ya ka chnat bordiñ wow pynyoh bordiñ noh smat smat khnang wa kani ka dong u lait ko na i sah doom wei kamjooh leh wow yarap ya kiwa lai puræ yong kani ka dong ha ki kyrdan waphær waphær.
