Ynne ka sngi ka JYF Jowai Circle da lai booh dorkhat ko ha u Additional Deputy Commissioner ka West Jaiñtia Hills District, u FB Basan hapoh i yahkhmat u President ka seiñ, u Clifford Marx Shylla wa u General Secretary ka seiñ u Pyrkhatlang Rumut.
Ka seiñ hadien wa da yoh ujor ko na ki paidbah wa ha ka chi sngi chon Aadhaar ki du 3 kynta neidaw wa dooh bordiñ, neitæ i daw ka seiñ dawa ko wow booh noh da ka Generator ha i thaw chon Aadhaar kawa em ha yung krehkaam u DC.
Heiyatoh wa ini, u FB Basan da ong u wa neiliang ka yung krehkaam yong ki leh daw chimkhia ki heiyatoh wa ini i kaam.
Hajrong ini neiliang ka seiñ da kyrpaad joor ko wow leh noh yeiwa emkaam khnang wow suk ki paidbah.
