Ka Jaiñtia Youth Federation (JYF) Ladrymbai 7 Shnong Circle hapoh i yahkhmat u Augustine Dkhar u Secretary ka chnat, hadien wa ood ki paidbah ki 7 chnong, hajrong i sih ware u sarok da lai pait ko ya oo heiwa da chem sakhiat ko yeini i sih u sarok wa pynyabi ya u Rymbai Road Ladrymbai Dongwah wa ka Umsuwai, Moolamanoh, Moolang ter ter chadooh Rangad.
Ka seiñ da ong ko wa i sih uni u sarok da pynthut sakhiat i ya i lai i wan ki paidbah ka thaaiñ.
Kini ki chnong wa pynyabi uni u sarok toh kiwa haap hapoh ka Khliehriat Block wei hapoh ka Constituency u Kyrmen Shylla.
Da ong ko leh wa ini i sih u sarok da booh i hei maa ya i mynsien ki paidbah kiwa pynemkaam ya oo.
Neiliang ka JYF da kyntu ko ya ki bor wow pait khamtam ka Public Work Department (PWD) wei kamjooh ya kiwa mihkhmat nadooh ki MDC wa u Local MLA wow chimkhia wow chna pynmiat noh ya uni u sarok khlem pynslem de.
Da ong ko leh wa daw lai yachem ko ya ki heh ki chnat wa toh u pait ya ini, da ong u Synsharbha Dkhar, President JYF Ladrymbai 7 Shnong Circle.
Discussion about this post