Jowai: Ka Jaiñtia Youth Federation (JYF) hadien wa tip ko yei ood ki paidbah ka thaaiñ Sumer, East Jaiñtia Hills wa da sih ware u sarok, ka seiñ da lai pait ko ya oo heiwa da chem ko yeiwa sakhiat.
Ka seiñ da ong ko wa uni u sarok da man sakhiat u uwa sih khamtam ha ki chnong nadooh Lad-Larket, Pala, Kseh, Khahnar ter ter iwa da pynthut bha yei lai i wan ki paidbah kiwa dang haap hapoh ka Saipung C&RD Block wa hapoh ka 5 Sutnga-Saipung Constituency.
Da ong ko leh wa heipor slap wot ki kari heh leh haap sahmiet ki hapyrdi sarok khlem ye wow pynpoi ya ki bru cha ki chnong yong ki iwa da booh yei mynsien yong ki hei maa.
Kamtæ neiliang ka JYF da kyntu ko ya ki bor wa pait yong ka chnat Public Work Department (PWD) wa kamjooh kiwa mihkhmat ka thaaiñ nadooh u MDC wa u MLA wow chimkhia yeini wei wow phah chna noh ya uni u sarok khem pynslem.
Neiliang ka seiñ leh daw lai yachem ko wa ki heh kani ka chnat ha kini ki sngi wow wan.
Discussion about this post