Ka seiñ Jaiñtia Youth Federation (JYF) Jowai Circle ha ka 6 tarik uni u bnai hapoh i yakhmat u President ka seiñ, u C.M. Shylla wa u General Secretary ka seiñ u P. Rumut da lai e dorkhat ki ha u Executive Engineer ka PWD South Division ha Jowai, u Ronald D Pakyntien heiyatoh wa i chah ieh beiñ u sarok uwa em Iaw Thymme, Jowai.
Neiliang ka seiñ da pyntip ko wa da yoh ko chiboon i ood na ki paidbah wa chong chnong wa chem chitom wow lai u wan neibhah u sarok toh uwa sah sa du u moo donhi wei uwa eh bha u lai luti khamtam heipor wa slap.
Kamtæ ka seiñ da kyrpaad joor ko ya u Executive Engineer wow pynchna noh ya uni u sarok neibhah em u ha i bynta ka yaaw hiwot yow suk ki paidbah u lai yaaw lai haat.
Neilang u Executive Engineer da kular u wow lai pait ya uni u sarok.
