Shillong: U Chief Executive Member (CEM) ka Khasi Hills Autonomous District Council (KHADC), u Hispreaching Shylla da pynsñiaw u wa ka KHADC daw dawa ko na ka sorkar Assam wow pynuiñ biang ya ka Block I & II cha ka jylla Meghalaya neibhah kini ki thaw em ki hapoh i pait i yoo ka United Khasi and Jaiñtia Hills District chwa wow yoh ya ka jylla Meghalaya, wei ya ini da klam u ha ka Dorbar Hima ka Hima Mylliem ynne ka sngi.
“I dawa i na ka sorkar Assam wow pynuiñ biang ya kini ki thaw hanla ka Assam da chim ko katkam ka aiñ ha kitu ki por, tangwa katni dawa i wow pynuiñ biang ko ki neibhah wa ki bru yong i chem chitom ki ha kitu ki klthaw,” da ong u CEM.
U Shylla da kam u wa ka Block I & II ymtoh ki thaw wa ya kajia tangwa da pam yabor da u Lat ha kitu ki por na ka United Khasi & Jaiñtia Hills wa kynthup ya ki ha ka Mikir Hills Autonomous District ha u snem 1951.
Da ong u wa da leh yeini hadien wa 25 tylli ki Hima Khasi da chah kynthup ki hapoh ki thaw ka India ha ka 26 tarik u Duyatra, 1950 wei ym em i psiah ki Hima Khasi, tangwa da leh katkam ka riti synchaar ka ri India.
Discussion about this post