Ka Dorbar Chnong Khanduli ynne ka sngi da lai pynsñiaw ko ha u DC ka West Jaiñtia Hills District yei pyrchah yei thung chrot bordiñ ka sorkar Assam ha khloo yong ka chnong.
Haka chithi wa da ekti ha u DC da ong wa ka sorkar Assam da wan ko wow thung pyrchah yaka aiñ yaki chrot bordiñ wei da pam roi ki yaki dieñ ki siej kiwa em hapoh u pood u ang ka chnong Khanduli ha Samathoo wa ha Langmih khlem da yoh bor naka Dorbar Chnong Khanduli.
Kamtæ ka Dorbar Chnong da pynsñiaw ko yei pyrchah yeini i leh embor ka sorkar Assam hajrong ka yurim wa ka chnong da em ko yaka Land Holding Certificate naka JHADC.
Neiliang ka Dorbar Chnong da dawa ko na u DC wow lai khloh noh ya ini i thung pyrchah yaka aiñ ka sorkar Assam yaki chrot bordiñ hapoh i khloo ka chnong Khanduli.
