Dawa ka ki seiñbhalang wow kset patok ya ki ar ngut waroh chi rta

Tura : Ka dhab yong ki seiñbhalang (Civil Society Organisations and Public) yong ka ri loom Garo ynne ka 4 tarik da pynman ki ya ka lai paidbah (rally) wow dawa wow pynchitom joor ya ki ar ngut kiwa sikai skur kiwa slaitbor pyn ya ki khynnah skur yong ki, wei kini ki ar ngut da tip kam u Yogesh Joshi wa u Deepjyoti Das.

Ha kani ka lai paidbah da dawa leh wow pynchitom ya u commandant ka CRPF u R. K. Behara, uwa da pyrchang u pynyut ya kini ki ar ngut na kani ka skur.

Ya u Joshi wa u Das da kem ya ki wei da pynngat ya ki katkam ki kyndon aiñ ka POSCO Act wei katni em ki ha thanat ki pulit.

Ha kani ka lai paidbah da chimbynta leh u MLA ka South Tura u John Leslee K. Sangma heiwa da beiñ u yeini iwa jia wei da dawa u leh wa emkaam u pynchitom noh ya kini ki ar ngut chirup wa u commandant ka CRPF.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kiwa klam da beiñ ki ya u Behara wei da em leh ki manbei manpa kiwa da ujor pyrchah ya oo ha Tura Police Station neidaw wa jooh phah khem khlieh yabor u ya ki khynnah dei langær.

“I u yieñ yaleh bait i kat wympu chah pynchitom kini ki ar ngut”, da ong u Sengbath Marak, general secretary ka A’chik Youth Welfare Organisation (AYWO).

Kini ki seiñbhalang da kyntu ki leh ya ka Tura Bar Association wa ymtoh u yarap ki ya kini ki ar ngut wow lait jamin ki.

Ha kani ka sngi chi sur da rai wow dawa wow kset ya kini ki ar ngut waroh chi rta.