Ka seiñ Khasi Jaintia National Union (KJNU) da kyrpaad ko ya ka sorkar wow pynchna noh ya u sarokbah wa lai lyngba ka Ummulong neidaw wa da sih u cha wa palat pood iwa da man i sñiawsih ya ki bru paidbah wa lai wa wan kamjooh kiwa chong chnong wa kiwa khayai pateiñ ha Ummulong.
Neiliang ka seiñ da ong ko wa uni u sarok toh uwa khlan bha u sih, kamtæ da toh wow e laad wow chna noh da ki Contractor kiwa pliah neibhah wym jooh neh slem u hadien wa dep chna heiwa da pai da jæd wei da lang um u kam ka nan dakha.
Kamtæ ka seiñ da kyrpaad joor ko ya ka sorkar wow chimkhai u pynchna smat ya uni u sarok uwa man leh u sarok wa emkaam bha kani ka thaaiñ khamtam ha ka khayi pateiñ, ki yaw ki haat yow pynsuk ya ki bru kamjooh yow lait nei jia wa sñiawsih.
